សេចក្តីផ្តើម – អ្វីជាកម្មវិធី SBIT POS Pro

កម្មវិធី SBIT POS Pro គឺជាកម្មវិធីសម្រាប់គ្រប់គ្រង ការលក់ និងទំនិញសម្រាប់ោះ

  • ហាងលក់ទំនិញទូទៅ ខ្នាតតូច និងធម្យម
  • ហាងកាហ្វេ
  • អាហារដ្ឋាន
  • ហាងសេវាកម្មផ្សេងៗ
  • ហាងលក់ទំនិញដែលពុំមានតម្រូវឲ្យភ្ញៀវចូល (លក់អនឡាញ) ជាដើម
ចាប់ផ្តើមដំណើរការកម្មវិធី

នៅក្រោយពេលលោកអ្នកជាវកម្មវិធី អនឡាញក្តី មិនមែនអនឡាញក្តី លោកអ្នកនឹងទទួលបាន​អាស័យដ្ឋាន​ គេហទំព៍រ កម្មវិធី។ ឧទាហរណ៌ោះ yourshop.sambathit.com ពីផ្នែកបច្ចេកទេសរបស់ SBIT POS។ លោកអ្នកអាចប្រើប្រាស់អាស័យដ្ឋានគេហទំព័រនេះ ទាំងសម្រាប់លក់ទូទៅ និងសម្រាប់គ្រប់គ្រង។ អ្វីដែលលោកអ្នកត្រូវធ្វើដំបូងគេគឺ៖

  • ១. បង្កើតពត៌មានក្រុមហ៊ុន (នៅក្នុង ការកំណត់ទូទៅ)
  • ២. បង្កើតហាង និងអ្នកប្រើប្រាស់ (នៅក្នុង ការកំណត់ទូទៅ)
  • ៣. បញ្ចូល រូបិយប័ណ្ណ និងអត្រា (នៅក្នុង ការកំណត់ទូទៅ)
ការគ្រប់គ្រងទូទៅ (ផ្នែករដ្ឋបាល អ្នកកាន់ស្តុក ឬម្ចាស់អាជីវកម្ម)
  • ១. ចូលទៅកាន់អាស័យដ្ឋានរបស់លោកអ្នក
  • ២. ចុះឈ្មោះចូល (ជ្រើសរើស ហាង និងម៉ាស៊ីន បើសិនមានច្រើន) ។ សំគាល់៖ ឈ្មោះ និងលេខសំងាត់របស់ អ្នកគ្រប់គ្រងទូទៅ នឹងត្រូវបង្កើតឡើងដោយភ្នាក់ងារបច្ចេកទេសរបស់ SBIT POS បន្ទាប់មក អ្នកគ្រប់គ្រងអាចបង្កើត​អ្នកប្រើប្រាស់តាមតម្រូវការ។
ផ្ទាំងបង្ហាញដំបូង គឺជាអ្វី?

ផ្ទាំងបង្ហាញដំបូង ត្រូវហោថា​ Dashboard សម្រាប់មើលពត៌មាន ឬទិន្នន័យសង្ខេប ពីការលក់។ ផ្ទាំងនេះ មានមុខងារ​បង្ហាញចំនួន​ប្រតិបត្តិការ និងអ្នកប្រើប្រាស់ដែលកំពុងដំណើរ។

ការបញ្ចូលថ្មី និងការគ្រប់គ្រងប្រតិបត្តិការណ៌ ទំនិញ (ស្តុក)
  • ១. ក្រោយចុះឈ្មោះចូល ជាអ្នកគ្រប់គ្រង សូមលោកអ្នកចុចលើ មឺនុយ Products។ ចុចលើ All Products ដើម្បីបើកផ្ទាំងគ្រប់គ្រង
  • ២. ចុចលើប៊ូតុង Add New Product នៅខាងលើខាងស្តាំ ដើម្បីបើកផ្ទាំងបញ្ចូលទំនិញថ្មី
  • ៣. សូមអនុវត្តន៌តាមការណែនាំនៅក្នុងផ្ទាំងបញ្ចូលពត៌មានទំនិញថ្មី
ធ្វើកំនែ និងគ្រប់គ្រងពត៌មានទំនិញមានស្រាប់
  • ១. លើបញ្ជីរទំនិញ ឬក្នុងប្រអប់ស្វែងរក (វាយបញ្ចូលឈ្មោះទំនិញដែលចង់កែប្រែ) ចុចលើ ប៊ូតុង កែប្រែ
  • ២. ផ្ទាំងគ្រប់គ្រងនឹងលេចឡើង សូមធ្វើការផ្ទៀងផ្ទាត់ កែប្រែ តាមតម្រូវការ
  • ៣. ក្រោយពេលរួចរាល់ សូមចុច ប៊ូតុង Save ដើម្បីរក្សារទុក ឬចុចប៊ូតុង Cancel ដើម្បីចាកចេញ
គ្រប់គ្រងតម្លៃទំនិញដែលមានស្រាប់ ឬទំនិញទើបដាក់ថ្មី
  • ១. លើបញ្ជីរទំនិញ ឬក្នុងប្រអប់ស្វែងរក (វាយបញ្ចូលឈ្មោះទំនិញដែលចង់កែប្រែ) ចុចលើ ប៊ូតុង គ្រប់គ្រងតម្លៃ
  • ២. ផ្ទាំងគ្រប់គ្រងនឹងលេចឡើង
    • Stock and Costing
      • ១. វាយបញ្ចូលចំនួនស្តុកថ្មី (បើមាន)
      • ២. វាយបញ្ចូល ឬកែប្រែតម្លៃស្តុកថ្មី (បើមាន) ។ បញ្ចាក់ រាល់ការបញ្ចូលតម្លៃថ្មី គឺត្រូវផ្ទៀងផ្ទាត់ជានិច្ចជាមួយតម្លៃស្តុកចាស់ ដោយផ្អែកលើរូបមន្ត តម្លៃមធ្យមភាគ
    • Retail and Pricing
      • ១. វាយបញ្ចូលតម្លៃលក់ពិតប្រាកដ (មិនអាចទាបជាងតម្លៃដើម)
      • ២. វាយបញ្ចូលតម្លៃលក់​ទូទៅ (បើទាបជាងតម្លៃលក់ពិតប្រាកដ នោះមានន័យថា ទំនិញចុះថ្លៃ)
  • ៣. ក្រោយពេលរួចរាល់ សូមចុច ប៊ូតុង Set New Price and Add Stock ដើម្បីរក្សារទុក
គ្រប់គ្រងចំនូនស្តុកទំនិញ
  • ១. លើបញ្ជីរទំនិញ ឬក្នុងប្រអប់ស្វែងរក (វាយបញ្ចូលឈ្មោះទំនិញដែលចង់កែប្រែ) ចុចលើ ប៊ូតុង តម្លៃ នៅលើជួរឈរតម្លៃ
  • ២. ផ្ទាំងគ្រប់គ្រងនឹងលេចឡើង
    • ១. ផ្អែកលើចំនួន Store ដែលអ្នកបង្កើត
    • ២. សូមបញ្ចូលចំនួនស្តុកទៅតាម Store ដែលអ្នកត្រូវការ
    • ៣. ចំនួនស្តុកគ្រប់ Sore នឹងសរុបរួម នៅលើបញ្ជីរទំនិញ ហើយការកាត់លក់ (បើសិនដំណើរការ) នឹងកាត់តាម Store ដែលអ្នកលក់ចុះ
  • ៣. ក្រោយពេលរួចរាល់ សូមចុច ប៊ូតុង Save Adjustment ដើម្បីរក្សារទុក ឬចុចប៊ូតុង Close ដើម្បីចាកចេញ
បិទ/បើក ដំនើរការទំនិញ និងបិ/បើកការតាមដានស្តុកពេលលក់ចេញ
  • ១. លើបញ្ជីរទំនិញ ឬក្នុងប្រអប់ស្វែងរក (វាយបញ្ចូលឈ្មោះទំនិញដែលចង់កែប្រែ) ចុចលើ ប៊ូតុង កែប្រែ
  • ២. ផ្ទាំងគ្រប់គ្រងនឹងលេចឡើង
    • ១. ដើម្បីបិទដំនើរការទំនិញ មិនឲ្យអ្នកលក់ លក់បាន សូមចុចលើ បិទ/បើក លើប៊ូតុង Active
    • ២. ដើម្បីបិទ ឬបើកការតាមដានស្តុក ពេលលក់ សូមចុច Track Inventory
    • ៣. រាល់ការកែប្រែ នឹងមើលឃើញនៅលើបញ្ចីរទំនិញ
  • ៣. ក្រោយពេលរួចរាល់ សូមចុច ប៊ូតុង Save ដើម្បីរក្សារទុក ឬចុចប៊ូតុង Cancel ដើម្បីចាកចេញ
ការកំណត់ក្នុងប្រព័ន្ធទាំងមូល
កំណត់ទូទៅ

ការកំណត់ទូទៅ គឺជាកន្លែងដែលលោកអ្នកអាចបិទ ឬបើកដំណើរ លក្ខខ័ណ្ឌចាំបាច់មួយចំនួន​នៅក្នុងប្រព័ន្ធ

  • ១. សូមចូលទៅកាន់ Settings > General Settings
    • ១. POS Setting (បិទ/បើក)
      • Dine In (បិទ ឬបើកដំណើរ ការគ្រប់គ្រងតុ សម្រាប់អាហារដ្ឋាន)។ ចំណាំ៖ មុខងារនេះ ប្រើបានតែ Online សុទ្ធ ឬ Offline (Local Network) សុទ្ធ តែប៉ុណ្ណោះ
      • Queue Number (ដំនើរការ ឬមិនដំណើរ លេខរងចាំ ដើលបោះពុម្ពនៅលើ Receipt) មុខងារនេះ ប្រើសម្រាប់តែភ្ញៀវ Take-Aways តែប៉ុណ្ណោះ
      • App Title (បង្ហាញឈ្មោះក្រុមហ៊ុននៅខាងលើបារ កម្មវិធី)
      • Online Only (ដំណើរការកម្មវិធី Online Only តែប៉ុណ្ណោះ) មុខងារនេះ ត្រូវការអិនធើណិតចាំបាច់ (បើមិនមានអិនធើណិត នឹងមិនអាចដំណើរការ) លើកលែងតែការប្រើប្រាស់​ក្នុង Local Network
    • ២. Currency Setting
      • Main (កំណត់សញ្ញា ឬជាអក្សរ រូបិយប័ណ្ឌ សម្រាប់រូបិយប័ណ្ឌគោល ឧទាហរណ៌ ($ ឬ USD) ជាទូទៅ មិនអាចផ្លាស់ប្តូរនៅពេលក្រោយបានទេ បើសិនដំណើរបញ្ចូលទំនិញរួចរាល់
      • Secondary (កំណត់សញ្ញ ឬជាអក្សរ រូបិយប័ណ្ណ ទី២ ឧទាហារណ៌ (៛ ឬ KHR)
      • Rate (កំណត់អត្រាប្តូរ រវាងរូបិយប័ណ្ណគោល និងរូបិយប័ណ្ណទី២) មុខងារនេះ អាចផ្លាស់ប្តូរបានគ្រប់ពេលវេលាចាំបាច់។ រាល់ការលក់កន្លងមក របាយការណ៌លក់ នឹងមិនប៉ះពាល់ឡើយ។
    • ៣. Appearance Settings កំំណត់ពណ៌បារ និងអក្សរសម្រាប់ផ្ទាំងលក់ខាងមុខ
    • ៤. Print Option ជ្រើសរើសទំហំក្រដាសបោះពុម្ភ សម្រាប់ផ្ទាំងលក់ខាងមុខ
    • ៥. Product and Table display per page កំណត់ចំនួនទំនិញ និងតុ​ត្រូវបង្ហាញ ក្នុង១ទំព័រៗ
    • ៦. Telegram Notifications កំណត់តំណរភ្ជាប់សម្រាប់សារជូនដំណឹងទៅតេឡេក្រាម (មុខងារនេះ អាចដំណើរការបានដរាបណា មាន Telegram Bot)
  • ២. ចុច ប៊ូតុង Save Settings ដើម្បីរក្សាទុក
ពត៌មានក្រុមហ៊ុន
  • ពត៌មានក្រុមហ៊ុន មានសារះសំខាន់បំផុត សម្រាប់បង្ហាញនៅលើបារកម្មវិធី និងនៅលើគ្រប់វិក័យប័ត្រទាំងអស់។ សូមបញ្ចូលពត៌មានក្រុមហ៊ុនជាមុន ដើម្បីដំណើរការកម្មវិធីបានល្អប្រសើរ។
កំណត់អត្រាពន្ធ
  • ១. Includes គឺជាអត្រាដែលនឹងបញ្ចូលទៅគ្រប់ទំនិញទាំងអស់ ពេលចាប់ផ្តើមបញ្ចូល។ បញ្ចូលអត្រា 0% ស្មើនឹងមិនប្រើប្រាស់មុខងារនេះ។
  • ២. Added គឺជាអត្រាដែលនឹងត្រូវបញ្ចូលនៅពេលលក់ទំនិញទៅឲ្យអតិថិជន។ បញ្ចូលអត្រា ០% ស្មើនឹងមិនប្រើប្រាស់មុខងារនេះ។
គ្រប់គ្រងហាង (Stores)
  • បង្កើតហាងថ្មី
    • ១. ចុចលើប៊ូតុង Add New Stores
    • ២. បញ្ចូលឈ្មោះ និងលេខសម្គាល់ហាង
    • ៣. ចុច Save Stores ដើម្បីរក្សាទុក
  • បង្កើតលេខម៉ាស៊ីន សម្រាប់ហាងនីមួយៗ
    • ១. នៅលើហាងនីមួយ សូមចុច Add Register
    • ២. វាយបញ្ចូលឈ្មោះ និងលេខសម្គាល់ម៉ាស៊ីន
    • ៣. ចុចប៊ូតុង Save Register
ពត៌មានធនាគារ
  • បង្កើតពត៌មានធនាគារ
    • ១. ចុចលើប៊ូតុង Add New Method
    • ២. បំបេញពត៌មានធនាគារ។ បញ្ជាក់៖ នេះគ្រាន់តែជាពត៌មាន សម្រាប់សម្គាល់ថា តើការបង់ប្រាក់តាមណាតែប៉ុណ្ណោះ។ ​កម្មវិធីនេះ មិនដំណើរទូទាត់ ស្វ័យប្រវត្តិជាមួយធនាគារដែលបានបញ្ចូលនោះទេ។
    • ៣. ចុចប៊ូតុង Save Method ដើម្បីរក្សាទុក
គ្រប់គ្រង Categories និង Suppliers
  • ក. គ្រប់គ្រង Categories
  • ខ. គ្រប់គ្រង Suppliers
គ្រប់គ្រងអតិថិជន
  • ក. ពត៌មានអតិថិជន
    • ១. ចុចប៊ូតុង Add New Customer
    • ២. បញ្ចូលពត៌មានអតិថិជន។ បញ្ជាក់ៈ អតិថិជនក៏អាចបញ្ចូលភ្លាមៗពីផ្ទាំងលក់ខាងមុខ តាមរយះអ្នកលក់ផងដែរ។
    • ៣. ចុច Save ដើម្បីរក្សាទុក
  • ខ. របាយការណ៌អតិថិជន (របាយការណ៌ដើមគ្រា និងចុងគ្រា)
    • នៅក្នុងបញ្ចីរអតិថិជន (ឬស្វែងរកអតិថិជននៅប្រអប់ស្វែងរកខាងលើ) សូមចុចលើ ជួរដេក របសអតិថិជននីមួយៗ ដើម្បីមើលរបាយការណ៌
      • -ក្នុងរបាយការណ៌ៈ ជ្រើសរើស ថ្ងៃចាប់ផ្តើម និងថ្ងៃចុងក្រោយ ដើម្បីមើលរបាយការណ៌
      • -​ក្នុងបញ្ជីរប្រតិបត្តិការណ៌ គឺជាទិន្នន័យដើមគ្រា និង​ចុងគ្រា បញ្ជីរដែលអតិថិជនជំពាក់ ឬបានបង់ប្រាក់ខ្លះៗ ឬបង់ប្រាក់រួចរាល់
      • -​ដើម្បីបោះពុម្ព សូមចុច Export to CSV
  • គ. ការទូទាត់សង
    • ១. នៅលើបញ្ជីរអតិថិជន សូមចុចលើ​ ប៊ូតុង Open ដើម្បីមើលទិន្នន័យដែលអតិថិជនជំពាក់
    • ២. ជ្រើសរើសការទូទាត់
      • -​ជ្រើសរើសបញ្ជីរជំពាក់ទាំងអស់ ដើម្បីសងម្តងទាំងអស់
      • -​ជ្រើសរើសវិក័យបត្រណាមួយ ដើម្បីសងតាមការជ្រើសរើស
      • -​មិនជ្រើសរើស ប៉ុន្តែដាក់ចំនួនទឹកប្រាក់ដែលត្រូវសង គ្រប់ចំនួន ឬមិនគ្រប់ ដើម្បីដំណើរការទូទាត់ស្វ័យប្រវត្តិ
    • ៣. ជ្រើសរើសរូបមន្តទូទាត់ ជាប្រាក់សុទ្ធ ឬតាមរយះធនាគារ
    • ៤. ចុចប៊ូតុង Submit Payment
គ្រប់គ្រងតុ (សម្រាប់អាហារដ្ឋាន)
  • ១. ដើម្បីបញ្ចូលតុថ្មី សូមចុច ប៊ូតុង Add New Table
  • ២. បំពេញពត៌មានរបស់តុ
  • ៣. ចុចប៊ូងតុង Save ដើម្បីរក្សាទុក
របាយការណ៌
របាយការណ៌លក់

របាយការណ៌ ចំណូល និងចំណាយ

គ្រប់គ្រងអ្នកប្រើប្រាស់
  • ១. ចុចលើប៊ូតុង Add New User ដើម្បីបង្កើតអ្នកប្រើប្រាស់ថ្មី
  • ២. បំពេញពត៌មានរបស់អ្នកប្រើប្រាស់ (Fullname, Email, Password, Role)
    • Role មាន៣កម្រិត
      • Admin (គ្រប់គ្រងប្រព័ន្ធទាំងមូល)
      • Inventory (គ្រប់គ្រងស្តុក និងតម្លៃ)
      • Cashier (អ្នកលក់ខាងមុខ)
  • ៣. ចុចប៊ូតុង Save User ដើម្បីរក្សាទុក